TENT 一 TENT 由開業至今，一直希望可以令大家更加容易，更加方便咁出發去露營。中間我地不斷咁去改良同更新我地既裝備。只係希望大家可以露得開心，愛上露營呢件事，同時間亦都希望可以提供到更加全面既服務俾大家。

去到今時今日，露營係香港已經唔同往日。多左好多好靚既營具，又多左好多唔同既玩法。以前可能只會以輕裝為目標，但係而家亦都更加會著重外觀、舒適性或者係其他因素咁。所以我地亦都不斷地加快腳步，去更新營具俾大家試用。希望可以跟得上呢個潮流。同時間亦都希望可以創做更多既可能性出黎。

多左唔同既營具之後，營具既組合亦都多左。我地可以係營具組合既款式上、功能上、露營環境或者係其他要求上，做專門化既組合。因為每套組合都有獨特性，咁不如試下將唔同組合既設計意念記錄底同分享出黎丫。同時間我地亦都認為營具既組合同配搭係一件幾好玩既事黎。所以我地都好歡迎同邀請大家一齊創作。

而呢個blog除左想分享套裝既創作意念之外，同時間亦都希望可以透過呢個blog 去幫大家拎多D唔同既露營資訊或者知識。等大家可以更加容易同簡單咁去接觸露營呢件事。