About

品牌故事

我地明白，要去一次camp的確好難。

去一次camp要做一大輪事前準備功夫，又要出錢又要出力又要夾時間。最慘係夾時間，夾得一個又夾唔到第二個。好啦，終於夾到個時間出發。但係仲要睇天氣喎，好天先去得成。

成功出發都未必係一帆風順。營地又要同人爭、野豬同牛牛又過黎開Party、半夜點零兩點，都仲有人唱歌跳舞大聲講大聲笑、五點起身晨操等等等不能盡錄。

經過完兩日一夜既洗禮後，最想做既事就係返屋企訓教。

但係唔知點解去完露營之後，第二日返而會覺得自己精神左咁去返工。

原來只要愛上呢回事，就算幾辛苦都係值得。

因為呢個原因，我地成立左TENT一TENT。

你，要唔要試下愛上?

TENT一TENT的核心價值

其實店主同大家一樣，都好鍾意Snow Peak呢個牌子。

而當中，店主好鍾意Snow Peak提到既一句說話: "we are also users".

所以，店主決定，以"we are also users"為TENT一TENT發展既核心價值。

致力創造令大家喜愛既產品同服務。